Извршниот одбор на европската ракометна федерација, ЕХФ, по стапките на УЕФА одлучи да го укине правилото за повеќе постигнати голови на гости при израмнет вкупен резултат во сите клупски и репрезентативни натпревари.
Отсега наместо да се бројат головите дома и на гости во популарните двомечи, ако вкупниот резултат е израмнет ќе се играат продолженија, па потоа ако нема победник ќе се изведуваат седмерци.
Ова правило од сезоната што е во тек важи за фудбалските натпревари под капата на УЕФА, а ЕХФ го најави како новитет за од идната сезона 2022/23.
