Реал Мадрид загуби од Барселона во првиот меч од полуфиналето на Купот на Шпанија и Кралскиот клуб сега ќе има тешка задача во реваншот на „Камп ноу“ да брка победа и да обезбеди место во финалето.
Необичен беше мечот на „Сантијаго Бернабеу“, каде што домашните фудбалери имаа привидна иницијатива, но делуваа инфериорно. Иако домаќините шутираа 13 пати кон противничкиот гол, ниту еден шут на фудбалерите на Реал Мадрид не заврши во рамките на голот.
Статистиката покажува дека Реал на свој терен за првпат по речиси 13 години одигра меч во кој не упатил прецизен удар во рамките на противничкиот гол. Последен пат тоа се имаше случено во 2010 година на „Сантијаго Бернабеу“, а ако се гледаат Ел Класико дуелите, Реал за првпат по сезоната 2013/14 одигра дерби без да упати удар во рамките на голот на Барселона.
1 – Since 2010, #RealMadrid ⚪️⚪️ failed to make a single shot on target for the first time at home in all competitions, and for the first time this happens in #ElClásico since 2013/14 season. Blank. pic.twitter.com/gv13XNJTyL
— OptaJose (@OptaJose) March 2, 2023
