Родриго Силва дер Гоес останува во Реал Мадрид со нов договор што ќе важи до 2028 година, а ќе биде потпишан следната седмица со неверојатна и многу интересна клаузула.
Ја нарекоа антишеик клаузула и ќе вреди една милијарди евра за да може Реал да се одбрани од предвремено заминување на Бразилецот во некој од клубовите што имаат богати сопственици од арапските земји.
⚡️
Rodrygo, renovado hasta 2028 https://t.co/4WIpgUVabp
El Real Madrid le pone cláusula antijeques: 1.000 millones de euros. La idea es que se firme la próxima semana.@marca @Marcatransfer
— Mario Cortegana (@MarioCortegana) July 4, 2022
Родриго беше еден од јунаците на Реал Мадрид во спектакуларниот поход кон 14-тата титула во Лигата на шампионите и е стрелец на пет гола во нокаут-фазата.
Двата што ги постигна за Кралевите во реванш полуфиналето против Манчестер сити во 90-тата и во 91-вата минута беа веројатно и клучните за да се освои нов пехар, кој заврши во пребогатата колекција на најтрофејниот европски клуб.
Бразилецот има 21 година, а во 2019 година од Сантос дојде во Реал Мадрид во трансфер што чинеше 45 милиони евра.
