Стефан Ристовски го постигна својот втор гол за Динамо Загреб во последните три кола и со неговиот погодок хрватскиот гигант води со 1:0 против Истра во премиерниот меч од 21. коло во ХНЛ.
37' GOOOOOOOOOOL! Dinamo – Istra 1961 1:0. Ristovski 😎💙💪🏻⚽️#dinamozagreb pic.twitter.com/YJjMu65EIk
— GNK Dinamo (@gnkdinamo) February 10, 2023
Десниот бек на Модрите и капитен на македонската репрезентација беше прецизен во 37. минута, а само 8 минути претходно се истакна и Аријан Адеми, вториот наш репрезентативец што игра во Динамо.
Над него беше направен фаул за пенал, но Јосип Дрмиќ ја здрма стативата и не го реализира ударот од белата точка.
Со голот на Ристовски, Динамо имаше предност од 1:0 по првото полувреме, а потоа во второто полувреме му беа поништени два гола на фаворитот од Загреб, па по 70 минути игра важечки на мечот е само погодокот на македонскиот репрезентативец.