Роберт Кубица се враќа на сцената на Ф1 по девет години пауза, од сезоната 2019 ќе вози за тимот на Вилијамс. Неговото враќање значи дека Кубица целосно ги надмина повредите на десната рака, кои ги заработи на рели-трка во 2011 година, по што паузираше неколку години од секакви тркачки активности.
Последното учество на Кубица во Формула 1 беше на последната трка од сезоната 2010. Триесет и тригодишниот возач е познат како првиот Полјак кој бил дел од Формула 1.
Во тимот на Вилијамс, колега на Кубица ќе биде младиот Џорџ Расел, кој моментално се натпреварува во Формула 2.
