Срамни сцени се снимени на ватерполо-натпревар помеѓу младите категории на Партизан и Београд, поточно ватерполисти до 14 години. Општата тепачка помеѓу родителите на трибините придонесе мечот да биде прекинат.
Српските медиуми пишуваат дека сударот бил жесток, а она што е посебно неверојатно е тоа што во целата приказна највоинствени биле мајките на ватерполистите. Полицијата морала да реагира и да ги раздвои „хулиганките“, а стигна и брза помош за да им се даде медицински третман на повредените во инцидентот.
Овој меч од квалификациите за Купот на Србија е прекинат на две и пол минути до крајот, а ќе треба да биде доигран денеска. Неверојатно е и што двата тима обезбедија пласман во следната рунда и мечот немаше големо резултатско значење, но не и за родителите кои се поделија на два табори и решија да се тепаат.
Tuča na Banjici, na meču mladih vaterpolista Partizana i Beograda. pic.twitter.com/S3zkoHYsV7
— BlicSport (@BlicSport) January 13, 2019
