Громогласниот аплауз од над 80 илјади навивачи на Реал Мадрид сè уште се памети на преполниот „Сантијаго Бернабеу“, а симпатизерите на Кралскиот клуб долго со овации го поздравуваа големиот мајстор на фудбалската игра, Роналдињо, и тоа како член на омразениот ривал, Барселона.
Волшебникот од Бразил во маестрален стил претрча половина терен и го постигна последниот гол на мечот што го доби Барса со 3:0 на Храмот на фудбалот и тогаш се случи неповторливиот гест на навивачите на лутиот ривал.
Сите присутни на Храмот на фудбалот во Мадрид станаа и со стоечки овации го поздравија Роналдињо, заслужено за неговата брилијантна изведба и два велемајсторски погодоци.
„Ова е историја на Сантијаго Бернабеу“, коментираа шпанските репортери на мечот што на денешен ден пред 15 години го доби Барселона на убедлив начин, со два гола на Роналдињо и еден на Ето.
On this day in 2005, Ronaldinho received a standing ovation from rival fans in the Santiago Bernabeú after scoring the last goal of a Real Madrid 0-3 Barcelona. from soccer
