Кристијано Роналдо би се откажал најмногу до 30 проценти од годишната плата што ја има во Манчестер јунајтед и би прифатил да игра за Атлетико Мадрид и за 20 милиони евра на годишно ниво, но и тоа е премногу за Јорганџиите.
Беше објавено дека Диего Симеоне размислува да го ангажира 37-годишниот напаѓач, но сега и тој и Атлетико полека се дистанцираат од таков трансфер.
Роналдо побара од Манчестер јунајтед да му дозволат да си замине, но засега нема заинтересиран клуб, иако шпекулации имаше многу.
Неговиот менаџер, Жорж Мендеш, објави дека Роналдо би се откажал најмногу до 30 отсто од неговата сегашна плата во Манчестер јунајтед, која изнесува речиси 30 милиони евра, но и со попуст е прескап.
Jorge Mendes is making it clear to clubs put off by his wages that Cristiano Ronaldo is willing to take a significant pay cut, potentially as high as 30%. Ronaldo remains interested in an Atleti move. But club continue to distance themselves, as previously reported.
— Ben Jacobs (@JacobsBen) July 21, 2022
Атлетико е само еден од клубовите за кој се шпекулира дека би можело да го ангажира Португалецот.
Претходно Мендеш го нудеше популарниот ЦР7 на Пари Сен Жермен, Челзи и Баерн, но нема конкретен интерес од трите гиганти, кои заедно со Атлетико не се премногу заинтересирани за ангажман на Роналдо.
