Кристијано Роналдо вчера повторно беше како во своите најдобри фудбалски денови. Уште во првото полувреме даде два гола во дуелот против Удинезе за сигурен триумф од 3:1. Со тие два гола, Роналдо стана единствениот играч во топ-5 лигите што има дадено барем 10 погодоци во сите натпреварувања во последните 15 сезони.
Освен што блесна со фудбалски потези, Роналдо покажа и почит кон соиграчите. На 10-тина минути пред крајот на средбата, тренерот Маурисио Сари го извади од игра Гонзало Игуаин, кој ја носеше капитенската лента. Аргентинецот тргна кон Роналдо и му ја подаде капитенската лента, но тогаш Кристијано направи потег за паметење.
Првата ѕвезда во Јувентус реши да не ја стави капитенската лента на својата рака, туку истрча до Матуиди и покажа дека на теренот има играчи кои се многу подолго од него во Јувентус и пред него заслужуваат да бидат капитени.
https://twitter.com/i/status/1206445707693056000
