Кристијано Роналдо со 140 гола во Лигата на шампионите уште долго ќе биде Крал на стрелците во луксузното европско натпреварување и само уште еден фудбалер ја има минато магичната граница од 100 погодоци.
Втор е Лионел Меси со 125 гола, па тандемот најдобри стрелци и играчи во 21 век очекувано е на првите две позиции.
Трет е Роберт Левандовски со 86 погодоци, но неговиот биланс го демне Карим Бензема.
Напаѓачот на Реал Мадрид досега има постигнато 83 гола и сè уште е во игра за подобрување на личниот биланс и во уште поважната мисија да го освои пехарот со Кралскиот клуб.
Бензема и неговите соиграчи од Реал вечерва од 21 часот на „Етихад“ го почнуваат полуфиналниот двомеч со Манчестер сити, што е нова шанса за францускиот репрезентативец да си го подобри салдото со голови во Лигата на шампионите и да се обиде да го смени Левандовски на третата позиција.
Топ-5 листата со најдобри стрелеци во ЛШ завршува со Раул Гонзалес, кој ја заврши кариерата со 71 постигнат гол.
As things stand…#UCL pic.twitter.com/bXzAOVQn7X
— UEFA Champions League (@ChampionsLeague) April 26, 2022
Во вториот полуфинален двомеч утре на „Енфилд роуд“, патот кон финалето ќе го почнат Ливерпул и Вилјареал.
Реваншите се во Шпанија на 3 и на 4 мај, а финалето ќе се игра во Париз на 28 мај од 21 часот.
