Руни му аплаудираше на Алиоски, Дерби со шпалир го поздрави шампионот (Видео)

Легендата на англискиот фудбал Вејн Руни му аплаудираше на Езѓан Алиоски и на неговите соиграчи од Лидс и со вообичаениот шпалир ги поздрави новите премиерлигаши пред мечот меѓу Дерби и клубот од Јоркшир.

Лидс без разлика на денешниот исход на мечот со Дерби веќе е шампион во Чемпионшип лигата и од идната сезона ќе игра во Премиерлигата по пауза од 16 години.

Вејн Руни и неговиот сегашен клуб Дерби каунти не успеаја во обидот да стасаат до плејофот за третото и последно место што води во елитниот ранг на натпревари, па и за нив и за Лидс денешниот меч е од ревијален карактер.

Алиоски е стартер денеска за Лидс, а мечот започна во 15 часот и се игра на „Прајд парк“ стадионот што е дом на Дерби каунти.

Шпалирот што го приредија домаќините во чест на промоцијата на Лидс во Премиер лигата погледнете го ОВДЕ.

 

- Оглас -

Најнови вести