Директоратот за комуникации и маркетинг на олимпискиот комплекс „Лужники“ во Москва објави дека е подготвен да прифати да биде местото на одржување на боксерскиот спектакл, во кој би се бореле Хабиб Нурмагомедов и Флојд Мејведер.
Нурмагомедов и Мејведер не знаат за порази во професионалните кариери, со тоа што Мејведер е чист боксер, а Хабиб е во ММА, друг боречки спорт во кој се користат удари и со нозете, како и борење. Мејведер го победи Конор Мекгрегор во бокс и има скор 50-0, па сега и Нурмагомедов сака да го предизвика шампионот од САД.
Од „Лужники“ денеска објавија дека ако на нивна адреса пристигне барање за тој стадион со 81.000 седишта да биде местото на боксерскиот спектакл, ќе прифатат со задоволство. На Лужники би можеле да се соберат 100.000 луѓе, што би била втора најголема посета во историјата на боксерски меч по Втората светска војна.
Мејведер се изјасни дека го преферира Лас Вегас.
