Славниот италијански стручњак Ариго Саки често сака да дава контроверзни изјави, а најновиот „бисер“ на 76-годишниот екстренер е дека Ливерпул нема играчи од светска класа.
Саки, кој со Милан доминираше во Европа кон крајот на 80-тите и почетокот на 90-тите години на минатиот век, а како селектор на Италија стигна до финале на СП 1994, не е импресиониран од Ливерпул, екипата која сезонава има шанса да ги освои сите можни натпреварувања во коишто учествува.
„Ливерпул игра со високо темпо и силен интензитет, но нема играчи од топ светска класа. Салах кога беше во Италија, беше обичен добар играч, но не е и светска класа“, изјави Саки.
Оваа изјава изненади многумина бидејќи Салах, Мане и Ван Дајк се сметаат за едни од најдобрите фудбалери на светот.
