Салцбург, Јанг Бојс и Спарта Прага се тимовите кои обезбедија пласман во групната фаза од Лигата на шампионите по вечерашните три плејоф дуели за влез во европската клупска елита.
Салцбург одигра 1-1 на домашен терен откако го доби првиот меч против Динамо Киев со 0-2. Дагим во 12.минута донесе водство за Салцбург, а израмни Ванат во 29.минута.
Madness in Turkey! 😱
— CBS Sports Golazo ⚽️ (@CBSSportsGolazo) August 27, 2024
Galatasaray GK Fernando Muslera loses his head and sees red after conceding a late goal to Young Boys winger Alan Virginius 🟥 pic.twitter.com/VC0Sjz9Y5w
Јанг Бојс го шокираше Галатасарај и во Истанбул, победувајќи со 0-1, а го доби и првиот дуел во Швајцарија со 3-2. Победничкиот гол за Јанг Бојс беше дело на Алан Виргиниус во 87.минута од мечот. Дуелот изобилуваше со тензии, а по примениот гол црвен картон доби и Муслера, голманот на Галатасарај.
Спарта Прага и вторпат го победи Малме со 2-0. Бирманчевиќ не реализира пенал во 19.минута, но Хараслин погоди од белата точка во 80.минута, а вториот гол го постигна Албион Рахмани три минути подоцна.
