Џејдон Санчо летово беше доведен како големо засилување во Манчестер јунајтед, но барем засега тој е далеку од формата во Борусија Дортмунд.
Платен е 85 милиони евра, а досега одигра само седум натпревари за својот нов тим и сè уште чека на првиот гол.
Очајната форма во која се наоѓа беше препознаена и од селекторот Герет Саутгејт, кој го изостави од репрезентативниот список за натпреварите против Албанија и Сан Марино.
Покрај него, на овој список ги нема и Киран Трипиер, како и дефанзивецот на Милан, Фикајо Томори, додека на нивно место се ставени Александар Трент Арнолд, Маркус Рашфорд и Џуд Белингам.
Confirming your #ThreeLions squad for November! 👊
— England (@England) November 4, 2021