Севилја победи со 2:1 во вечното градско дерби против Бетис и остана во трката за титулата во Ла Лига.
На „Рамон Санчес Писхуан“ вечерва се пишуваа и рекорди, а главните улоги ги имаа легендата на Севилја, Иван Ракитиќ и голманот Јасине Боно.
Ракитиќ погоди од пенал во 24-тата минута за предност на домаќините и тоа му е четврти гол во кариерата против Бетис, што е клупски рекорд.
Мечот беше решен во 41-вата минута, кога погоди Мунир Ел Хадади, на асистенција на голманот Боно.
За Боно ова е трета асистенција откако е голман на Севилја и тоа е најдобар ефект на чувар на мрежата во 21-виот век, заедно со Дуду Ауате, кој има еднаков број прецизни додавања за гол на соиграчите.
Двата гола на мечот можете да ги погледнете ОВДЕ.
3 – Sevilla's Yassine Bounou is the goalkeeper has provided the most assists in LaLiga in the 21st Century alongside Dudu Aouate (3). Figure. pic.twitter.com/1FKzU4KSDD
— OptaJose (@OptaJose) February 27, 2022
Во последните моменти од дербито, Серхио Каналес постига убав гол од слободен удар само за почесен погодок за Бетис.
Со победата Севилја остана во игра за титулата со 54 бода, шест помалку од лидерот Реал Мадрид.
Бетис е на третото место со 46 бода на 12 кола до крајот на шпанското првенство.
