Динамо Загреб е елиминиран од Лигата на Европа откако вечерва дома ја победи Севилја со 1-0, но тоа не беше доволно за пласман во осминафиналето бидејќи шпанскиот тим ја доби првата средба со 3-1.
Мислав Оршиќ од пенал го постигна единствениот гол на мечот на кој Стефан Ристовски играше 61 минута, а Аријан Адеми не можеше да игра за Динамо поради повреда.
Од Лигата на Европа елиминирани се и Лацио, Олимпијакос и Реал Сосиедад.
