Саудискиот принц Мохамед бин Салман ако биде принуден да се откаже од купување на премиерлигашот Њукасл, можеби ќе ја купи Рома, која бара нов сопственик бидејќи актуелниот Џејмс Палота не е пожелен од фановите.
Навивачите на Њукасл се на пат да доживеат ново разочарување бидејќи зделката за продажба на клубот на саудискиот инвеститор е пред пропаст. За Чавките се интересира престолонаследникот на Саудиска Арабија, принцот Мохамед бин Салман, кој требаше да го купи клубот за 300 милиони фунти и во него да донесе звучни засилувања.
Документите беа дадени на одобрување пред раководството на Премиер лигата пред повеќе од пет недели, но следуваше затишје поради големото општествено незадоволство. Саудиска Арабија е обвинета за нарушување на човековите права за убиството на новинарот Кашоги, а Катарците ги обвинија за пиратерија и крадење на преносите од некои натпревари.
Од целата оваа ситуација заработка може да имаат во италијанската Серија А, поточно Рома. Претседателот на Волчицата, Џејмс Палота, веќе имал контакт со Саудијците и им предложил да го купат неговиот тим. Палота сака да ја продаде Рома и тој не смета дека ќе му ги украде спонзорите на Њукасл, туку дека понудата важи само ако Бил Салман не го купи Њукасл.
