ДеАндре Ајтон ќе паузира на следните 25 натпревари во НБА лигата, откако паднал на допинг тест. Центарот на Феникс санс бил позитивен на дијаретик и по само еден одигран меч во новата сезона долго ќе паузира.
Ајтон е прв пик од ланскиот драфт, а во деби сезоната имаше одличен просек и дабл-дабл учинок од 16.3 поени и 10.3 скока.
Го одигра премиерниот натпревар за Феникс во новата сезона и постигна 18 поени, имаше 11 скока и 4 блокади во победата против Сакраменто кингс.
„Сакам да им се извинам на сите во франшизата на Феникс и на моето семејство. Направив ненамерна грешка, мезнаејќи точно за што се работи. Жалам за грешката и за тоа што ќе ги оставам моите соиграчи во ситуација кога сум казнет со 25 натпревари неиграње“, изјави Ајтон.
Тој е еден од најперспективните играчи во НБА лигата, а ова е една од највисоките казни за допинг во најсилната кошаркарска лига на светот.