На претстојното Светско првенство во фудбал, како број 1 на ранг-листата на ФИФА може да влезат само Шпанија и Франција, а која од нив ќе биде, се одлучува вечерва, на пријателскиот дуел на Шпанците со Египет.
Ако победи Шпанија, Црвената фурија ќе остане лидер на ФИФА-листата. Ако средбата заврши нерешено или ако победат Фараоните, тогаш Шпанија паѓа на второ место, а Франција ќе се искачи на прво.
Во моментов Шпанија има два поенa повеќе од Франција, а пет од Аргентина, која е трета. Аргентина може да ја симне Шпанија на третото место, но треба Шпанија да загуби од Египет, а Аргентинците да ја совладаат Замбија.
