Вчера во Хамбургер беа извлечени групите за Европското првенство кое следното лето ќе се игра во Германија. Засега се познати 21 од потребните 24 селекции за настап на континентален собир, а последните три учесници ќе се знаат дури по одигрување на бараж дуелите од Лигата на нации.
Иако уште не се знаат сите учесници, компјутерски веќе беше направена симулација за тоа кои репрезентации ќе ја поминат групната фаза и ќе бидат дел од осминафиналето.
Според направената анализа, Украина која е дел од баражот во Б дивизијата, не само што ќе биде најдобра во баражот и ќе се пласира на ЕП 2024 година, туку потоа таа и ќе ја помине групната фаза и ќе биде дел од најдобрите 16 на континентот.
Симулацијата покажа дека во осминафиналето ќе бидат и селекциите на Англија и Италија, кои заедно со Украина беа дел од ривалите на Македонија во квалификациите за ЕП 2024.
This is how the EURO 2024 bracket would shape up if all groups finished according to current Elo rankings.
The best four 3rd placed teams would come from groups A, B, C, D. pic.twitter.com/1j27mNJixN
— Football Meets Data (@fmeetsdata) December 3, 2023
Според вчерашната ждрепка, во групната фаза на ЕП 2024 година ќе играат селекциите распоредни во овие групи:
Група А: Германија, Унгарија, Шкотска, Швајцарија.
Група Б: Шпанија, Албанија, Хрватска, Италија.
Група Ц: Англија, Данска, Словенија, Србија.
Група Д: Франција, Австрија, Холандија, победник од баражот А (Полска, Естонија, Велс, Финска)
Група Е: Белгија, Романија, Словачка, победник од баражот Б (Украина, БиХ, Израел, Исланд)
Група Ф: Португалија, Турција, Чешка, победник од баражот Ц (Грција, Грузија, Казахстан, Луксембург).
