Томас Панек стана првиот слеп човек кој истрчал полумаратон со помош на истренирани кучиња. Овој подвиг беше направен на полумаратонот во Њујорк, а подготовките на Томас и трите кучиња за трката траеле три месеци.
„Со ова сакав да ги охрабрам луѓето да трчаат, без разлика дали имаат хендикеп како мојот. Целта беше да покажам колку е важно здравјето“, изјави Панек, кој го загубил видот кога имал 20-тина години. Процесот бил постепен и кога наполнил 26 години, веќе бил целосно слеп.
Тој патеката ја мина благодарение на кучињата кои му помогнаа.
„Пред пет години ова се сметаше за некакво табу и спротивно на правилата да се трча со истренирани кучиња. Се сметаше дека кучињата не може да донесат правилни одлуки и дека ќе им пречат на останатите тркачи во трчањето“, велат од организацијата „Очи за слепите“, која им помага на слепите лица.
https://twitter.com/i/status/1107961629151383552
