На социјалните мрежи се појави видеоснимка од еден тренинг Оле Гунар Солскјер во времето кога беше тренер на норвешкиот клуб Молде. Стратегот инсистира неговите играчи да се обидат да го погодат голот, поточно да ја шутнат топката наместо да се додаваат во непосредна близина на шеснаесетникот, како и во него.
Јасно се слуша: Има ли еб*ена шанса некој од ваш да шутне? Стигнавте до шеснаесетникот, шутнете еднаш кон голот, доста се додавате. Ако сакате да постигнете гол, мора да ја шутнете топката, друг начин нема“.
Многу веројатно е дека слично ќе биде и на првиот тренинг во Манчестер јунајтед, откако ќе се запознае со екипата. Солскјер ќе ги натера „црвените ѓаволи“ да нападнат и да упатат удари кон голот, нешто што ретко се забележуваше на натпреварите кога тимот го предводеше Жозе Мурињо.
A clip of Ole Gunnar Solskjaer in training with Molde #MUFC pic.twitter.com/GKD8JHyiF1
— MUFC Scoop (@MUFCScoop) December 18, 2018