ПАОК веќе 34 години чека да се израдува на титула во грчкото првенство. Тој неверојатно долг пост може да заврши вечерва. Тимот од Солун е лидер во првенството, а доколку слави на свој терен во дуелот против Левадијакос, титулата ќе биде и математички обезбедена.
Навивачите на Солун веќе неколку денови се подготвуваат за најважниот меч. Синоќа тие направија вистинска фешта и речиси го „запалија“ градот со факели. Ако вака изгледа најавата за прослава на титула, може да замислиме како ќе биде ако ПАОК вечерва победи и стане шампион на Грција.
