Спортската прогноза во 2020 година тргна доста успешно ако се земе предвид дека дури пет прогнозери од вкупно 1.185 кои учествуваа во 18-тото коло, ќе добијат ваучери од Spor Life во вредност од 500 денари.
Ренато, Владо, Јакуп, Сашо и Бобан се прогнозерите кои погодија по 11 од вкупно 13-те парови кои беа во понудата за овој викенд. За нив следуваат ваучерите од 500 денари и токму затоа ова коло беше солидно со типување во однос на останатите.
Главната награда, iPhone XS, остана недостижна за две погрешни прогнози, а дури четворица од добитниците погрешно типуваа еден ист меч. Сент Етјен – Нант е дуелот кој речиси никој не очекуваше дека ќе заврши со победа на гостите.
Напоредно продолжува битката во Генералниот пласман, а веќе имаме прогнозер кој почна постепено да се двои од останатите. Т. Христијан е прогнозерот кој стои на врвот на табелата по 18 кола со вкупно 132 прогнози.
Зад него се: Б. Славе со 129, И. Петре и Д. Никола имаат по 128, додека петтата позиција ја држи Т. Благоја со 124 прогнози, исто колку што има и З. Петар. Како што е веќе познато, во Генералниот пласман главната добивка е Смарт ТВ од 48 инчи, а и останатите награди се доста примамливи.
Новото на Спортска прогноза ќе биде достапно за прогнозирање од утре, по 14 часот.