Шеснаесеттото коло на Спортска прогноза, последно за 2020 година, нуди мечеви од повеќе лиги, но доминираат англиските кои се омилени кај прогнозерите, а според процентите на оние играчи кои веќе типуваа, во „Среќна 13-ка“ има неколку парови кај кои има големи фаворити кои ако не киксираат, ве доближуваат до премијата, „ајфон 11“.
Во фокусот ќе биде лондонското дерби меѓу Арсенал и Челзи. Речиси две третини од прогнозерите кои досега се изјаснија, им даваат предност на Сините.
Освен дуелите во Премиер лигата, викендов се играат мечеви и во Белгија, Турција, Шкотска, втората лига во Италија, па ова коло ќе биде посебно интересно.
Почетокот на натпреварите и крајниот рок за вашите прогнози е 13.30 часот во сабота. Од Премиер лигата има шест натпревари, што е предизвик, особено за фановите на островскиот фудбал да се обидат прецизно да ги погодат исходите на дуелите во битката за главната премија. Тука е и натпреварот од Чемпионшип меѓу Нотингам форест и Бирмингам и шкотската пресметка меѓу Данди јунатед и Мадервел, што го комплетира октетот од Велика Британија во нашата понуда во 16-тото коло на Спортска прогноза.
Важно е да се погодат и двата резервни пара, а и тие во ова коло се од Премиер лигата и се бројат за Генералниот пласман. Во минатото коло дури 23-ца прогнозери веќе ја минаа котата од 100 поени, а разликата меѓу лидерот и прогнозерите во Топ-10 е само три поени, што најавува битка до последен здив за трет шампион на Спортска прогноза.
На крајот на сезоната најдобриот прогнозер ќе добие ТВ Смарт од 48 инчи, а ќе има награди и за следните четворица најдобропласирани во Генералниот пласман.
Подароци има и за 12 и 11 погодоци во секое коло, а тоа се вредносни ваучери од по 1.000 и 500 денари во Sport Life. Не чекајте многу и прогнозирајте!