Србите се налутија, и не се појавија на прогласувањето во Скопје (Видео)

Дисквалификацијата на српската штафета 4х400 метри значеше дека Исланд ќе го освои првото место на Европското тимско првенство трета лига кое викендов се одржа во Скопје, а Србите тврдат дека победата им била неправедно одземена.

Српската штафета победи на трката и требаше да има 11 бода повеќе од Исланд, и со тоа Србија да го освои првото место и да се пресели во втората европска лига. Но, на 50-тина метри пред целта, Бошко Кијановиќ тргна да ги престигне сите кои беа пред него и се судри со Молдавецот кој се трудеше да си ја одбрани позицијата, па влезе и во патеката на Србинот. Молдавскиот атлетичар загуби рамнотежа и поради тоа, Србија беше дисквалификувана и не доби поен.

Судиите го разгледуваа инцидентот, делегатот од Финска остана на својата одлука дури и по жалбата на Србите. Така, Србија од готово си направи вересија, но беа лути и не сакаа да се појават на церемонијата на доделување на медалите.

Погледнете го туркањето кое Србија ја чинеше пласман во повисок ранг:

- Оглас -

Најнови вести