Стивен Џерард со најважната победа во тренерската кариера (Видео)

Глазгов Ренџерс им даде многу причини за радост на своите навивачи, откако славеше со 1:0 против Селтик во едно од најстарите дерби мечеви во светот. Популарното „Олд Фирм“ дерби, беше решено во 30 минута, кога Рајан Џек погоди за 1:0, што на крајот се покажа и како доволно за победа. Трибините на „Иброкс“ стадионот едноставно експлодираа од радост, при постигнувањето на голот.

За Ренџерс ова е прва победа против Селтик по таа во март 2012 година. Во овој период Селтик имаше 12 победи и три нерешени.

Тренерот на Ренџерс, Стивен Џерард како играч има победувано во многу дерби дуели, но кога се работи за тренерската кариера, ова дефинитивно е негова најважна победа.

Со освоените три бода, Ренџерс сега се израмни со Селтик на врвот на табелата. Двата тима имаат по 42 бодови, но Селтик има меч помалку.

 

- Оглас -

Најнови вести