Напаѓачот на Барселона, Луис Суарес, одбил богата понуда од Интер Мајами. Според информации на американски медиуми, клубот на Дејвид Бекам, на Уругваецот му понудил годишна плата од 8 милиони евра (9,5 милиони долари), со што би бил најскапо платен играч во историјата на МЛС лигата.
Сепак популарниот Пистолеро ја одбил великодушната понуда, а стариот рекорд на Златан Ибрахимовиќ кој во Лос Анџелес галакси имаше плата од 7,2 милиони долари годишно, сега е урнат. Интер од Мајами го засили нападот со Гонзало Игуаин кој дојде од Јувентус, и ќе добива 8,8 милиони долари, па сега тој е најскап играч во историјата на МЛС. Желбата на Бекам беше атомски напад во кој покрај Игуаин би бил и Суарес, но ќе треба да почека за такво нешто.
Суарес уште е член на Барселона и најдоцна до 6 октомври ќе се знае дали ќе остане во Каталонија или ќе се пресели во Јувентус или некој друг клуб.
