Луис Суарез летоска реши дека е време да си замине од Европа и се врати во родниот Уругвај, каде потпиша договор со Национал. По само неколку месеци поминати во Национал, Суарез изненадувачки реши дека сака да си замине и сите мислеа дека повторно ќе се врати да игра во Европа.
Сепак, докажаниот голгетер реши да се пресели во Бразил, потпишувајќи за екипата на Гремио. Според најавите, договорот е потпишан на една година, со опција за продолжување на уште една сезона.
Vamos, @LuisSuarez9! Estamos preparados para conquistarmos grandes feitos juntos! 💪🏽🇪🇪 pic.twitter.com/P5pxKlPZJp
— Grêmio FBPA (@Gremio) December 31, 2022
Гремио ќе биде седми клуб во кариерата на 35-годишниот фудбалер, кој освен за Национал има играно и во Атлетико Мадрид, Гронинген, Ајакс, Ливерпул и Барселона.
Суарез беше дел и од Светското првенство во Катар и многумина веруваат дека тоа е неговиот последен настап на Мундијал. Во репрезентативниот дрес на Уругвај досега има одиграно 137 натпревари и постигнал 68 голови.