Суперкомпјутерот повторно има своја прогноза за пласманот на екипите во Премиер лигата. Не е некој успех да се погоди дека Манчестер Сити е главен фаворит, но овојпат прогнозата е за екипите кои ќе иборат пласман во европските купови.
Манчестер Сити (99.93%), Ливерпул (91.11%) и Арсенал (82.54%) се речиси сигурни учесници, додека четвртиот ќе се бара помеѓу Тотенхем, Манчестер јунајтед, Брајтон и Њукасл.
Интересно шансите за такво нешто да стори екипата на Челзи се речиси никакви, односно само 2.1 проценти.
Токму дел од овие екипи се и големи фаворити за победите на денешните натпревари од Премиер лигата, Ливерпул на гости кај Вулверхемптон, Манчестер сити на гостувањето кај Вес хем, а Тотенхем и Њукасл на домашните мечеви против Шефилд јунајтед, односно Брентфорд.
