Алваро Родригес, младиот фудбалер на Реал Мадрид, одлучи во иднина да настапува за Уругвај. Тој досега настапуваше за младите репрезентации на Шпанија, но одлучи да направи промена и да настапува за државата на неговиот татко. Родригес е роден во Шпанија, во каталонскиот град Паламос. Неговиот татко во минатото бил професионален фудбалер, а има настапи за репрезентацијата на Уругвај.
Младиот Родригес се одлучи да тргне по стапките на својот татко иако неговата мајка е од Шпанија. Тој запиша четири настапи за репрезентацијата на Шпанија до 18 години и уште осум за селекцијата до 20 години.
За Реал Мадрид оваа сезона настапи на шест натпревари, од кои четири во првенството и два во Купот на Шпанија. Единствениот погодок го постигна против Атлетико Мадрид во 85-тата минута, кога го спаси Реал од пораз против градскиот ривал и донесе бод за Кралскиот клуб.