Организаротирте на Мастерс турнирот Индијан велс им забранија на тенисерите да се додаваат со пешкири со собирачите на тениските топчиња. На претстојниот турнир кој започнува во понеделник, тенисерите сами ќе мора да се послужуваат со пешкири кои ќе бидат поставени на столчиња покрај теренот.
Собирачите на топчињата воедно ќе мора да носат ракавици, а дополнителни мерки за претпазливост се применети и во просториите на спортскиот комплекс. Сите заеднички простории секојдневно ќе се чистат со средства за антивирус. Гумени ракавици ќе носат и вработените во рестораните, додека заштитни маски се препорачани за лекарските екипи.
Најавено е дека турнирот ќе работи во координација со локалните болници и центрите за заштита околу потенцијално заразување од коронавирусот. Ширум светот досега се заболени повеќе од 100.000 луѓе, додека повеќе од 3.400 од 90 различни земји ја загубија животната битка со смртоносниот вирус.
