Манчестер сити граби кон одбрана на титулата во Премиер лигата откако Граѓаните го победија Брентфорд на гости со 1:0 и сега имаат дури осум бода повеќе од второпласираниот Челзи.
Сити едноставно ги „меле“ противниците и поставува нови рекорди во англискиот фудбал. За тимот предводен од Пеп Гвардиола ова беше 36-та победа во 44 меча во Премиер лигата за 2021 година, што е апсолутен рекорд. Сити во 2021 година освои 110 бодови, додека Челзи освои 27 помалку, а Ливерпул дури 33 бодови помалку од Сити во една календарска година.
Освен рекордот за најмногу победи во една година, Сити со Гвардиола постави уште едно неверојатно постигнување. Шпанскиот стратег е првиот кој успеал да предводи тим во англиското првенство да има 10 победи по ред, и тоа во четири различни ситуации. Иако Сити сега има добра предност во однос на Челзи и Ливерпул, Гвардиола предупредува дека сезоната е далеку од завршена.
4 – Manchester City have won each of their last 10 Premier League games – the fourth time they’ve had a run of 10+ consecutive league wins under Pep Guardiola. No other manager in Premier League history has had more than two separate runs of 10+ wins. Incredible. #BREMCI
— OptaJoe (@OptaJoe) December 29, 2021
„Имаме предност од осум бода, но во игра се уште 54 бодови, па ништо не е решено. Направивме разлика затоа што победивме 10 пати по ред, а тие киксираа. Сепак, ќе има уште тешки мечеви. Ништо не е готово. Ливерпул и Челзи се наши конкуренти во трката за титулата“, вели Гвардиола.