Играчите на Милан се вратија на победничкиот колосек со голем триумф од 2:1 против Рома на „Олимпико“, а само со една акција, и тоа во одбраната, потврдија дека горат во желбата да го освојат Скудетото.
Фикајо Томори и Сандро Тонали со пожртвувани интервенции на атрактивен начин го спречија Лоренцо Пелегрини да ја загрози победата на Милан во Рим.
Росонерите ја прекинаа серијата од 4 меча без победа, односно од два порази по ред во Серија А и останаа во битката за Скудетото. Милан е втор на табелата со 52 бода, четири помалку од градскиот ривал Интер на 14 кола до крајот на шампионатот.
Милан е последниот шампион на Италија, пред да почне апсолутната доминација на Јувентус, екипа која освои 9 титули по ред во Серија А.
