Тотенхем го освои пријателскиот турнир Ауди куп, кој се одржа во Минхен, со победа над домаќинот Баерн по изведување пенали. Дуелот на „Алијанц арената“ не го одреди победникот по 90 минути игра при резултат од 2-2, па пенал-рулетот конечно на Тотенхем му донесе трофеј, иако се работи за претсезонски подготовки.
The players lift the Audi Cup 🏆#AudiCup ⚪️ #COYS pic.twitter.com/mEj5NOTC9o
— Tottenham Hotspur (@SpursOfficial) July 31, 2019
Петлите испуштија двојна предност во текот на средбата која им ја донесоа Ламела и Ериксен. Младиот Арп намали на 2-1 на половина час до крајот на мечот, а Дејвис со одличен погодок од далечина донесе израмнување за тимот на Ковач.
Промашувањата на Алаба и Боатенг беа фатални за Баварците, додека лондонската екипа погоди шест од седум пенал, а без реализација беше само Ериксен.
https://www.youtube.com/watch?v=SHA9-INVugs