Тотенхем потврди дека повредата на Хари Кејн е сериозна. Голгетерот на „петлите“ ги оштети лигаментите на глуждот од левата нога, по што му следува пауза до март. Кејн се пожали на болки кон финишот на мечот против Манчестер јунајтед во неделата, а Маурисио Покетино во најлошиот можен период остана без најдобриот играч во екипата.
Според информациите од клубот, Кејн ќе ги пропушти двата дуели од осминафиналето против Борусија Дортмунд (13-ти февруари и петти март) во Лигата на шампионите, додека во меѓувреме се предвидени средби против градските ривали од Лондон, Челзи и Арсенал. Против „сините“, Тотенхем ќе игра во два наврати, и тоа на „Стемфорд бриџ“, реваншот во полуфиналето од Лига купот и првенствен меч во рамките од 28-мото коло во Премиер лигата.
Отсуството на Кејн и тоа како ќе се почувствува на теренот бидејќи тој е најдобриот стрелец сезонава во тимот со 20 погодоци во сите натпреварувања, а Покетино како резерва го има само искусниот Фернандо Љоренте.
Following preliminary assessments, we can confirm that @HKane has damaged ligaments in his left ankle, sustained during Sunday's match.
He will continue to be monitored by our medical staff as he commences rehabilitation and is expected to return to training in early March. pic.twitter.com/Ot3doPa4K6
— Tottenham Hotspur (@SpursOfficial) January 15, 2019
