Една од причините за оптимизмот во редовите на македонската ракометна репрезентација пред дуелот со Црна Гора, е позитивната традиција која ја имаме против вечерашниот ривал.
Во ноември 2013 година е последниот пораз на Македонија од Црна Гора, и тоа минимално, на пријателски меч.
Пред четири години на ЕП во Загреб, Македонија славеше со 29-28. Тоа е последен официјален меѓусебен дуел на овие селекции. Сето ова најавува дека ќе биде интересен и веројатно неизвесен меч во кој двата тима ќе дадат максимум, а предност на нашите ќе биде и публиката, која уште од раните попладневни часови ќе почне да се загрева за давање ветар во грб на избраниците на Кирил Лазаров.
