Капитенката на женскиот тим на Јанг бојс и членка на швајцарската фудбалска селекција Флоријана Исмаили е пронајдена на дното од езерото Комо во Италија. Потрагата по дваесет и четиригодишната фудбалерка траеше три дена, а тажната информација пред неколку часа ја потврди шефот на акцијата за спасување.
Спасувачите дури употребуваа и специјални уреди во потрагата, а по три дена го пронајдоа безживотното тело на Исмаили.
Исмаили во својата кариера запиша 33 настапи за женската селекција на Швајцарија, додека осум години беше членка на Јанг бојс, во изминативе неколку сезони и капитенка.