Во петок официјално ќе се отворат Олимписките игри во Париз. Во Франција, 10.500 спортисти и спортистки ќе се натпреваруваат за медали, а Македонија ќе ја претставуваат шестмина спортисти.
Сепак, Игрите ќе започнат два дена пред официјалното отворање. Три спортови (рагби, машки фудбал и женски ракомет) ќе започнат порано, а причините за тоа се историски.
„Од Игрите во Барселона во 1992 година, фудбалот започнува пред церемонијата на отворање. Фудбалерите не можат да играат секој ден и им се потребни најмалку 48 часа за опоравување. Како резултат на тоа, натпреварите во машки фудбал започнуваат два дена пред почетокот на Игрите, а женскиот фудбал започнува ден пред почетокот на Игрите“, е официјалното објаснување од Интернационалниот Олимписки Комитет.
Покрај тоа, и женскиот ракомет и рагбито започнуваат ден порано.
„Овие спортови започнуваа првиот ден од Игрите, ден по церемонијата. Пред сè, тоа е прашање на генералниот план на организацијата за да бидат натпреварите добро организирани.
„Една од важните причини за раниот старт на ракометот и рагбито е тоа што се делат објектите на кои се одржуваат натпреварите“, велат од организацискиот комитет на ЛОИ 2024 во Париз.
