Македонскиот фудбалер Иван Тричковски, кој е капитен и најдобар стрелец на кипарскиот клуб АЕК Ларнака, го продолжил договорот со клубот. Повеќе детали околу договорот на 34-годишниот Тричковски со клубот од Ларнака ќе бидат обелоденети утре.
„Со задоволство објавуваме дека го продолживме договорот со капитенот Иван Тричковски. Повеќе детали утре, откако ќе се потпише договорот“, соопштија од АЕК.
Популарниот Тричко од 2016 година е во АЕК, а актуелниот договор на Иван му истекува на 30 јуни 2022 година.
