Кошаркарите на Црна Гора по втор пат во својата историја ќе играат на Светско првенство, откако во одлучувачкиот меч од шестото коло од квалификациите во групата К, со 88:70 ја совладаа Чешка.
Cрногорците фуриозно го започнаа мечот, направија серија од 21:5 за водство од 23:9, а кон крајот на првата четвртина дојдоа и до плус 20 (31:11).
Во втората четвртина веќе беа решени дилемите околу победникот, Црна Гора поведе со 50:25 и убедливата предност ја одржуваше до крајот на мечот.
Со победата во последното квалификациско коло, Црна Гора заврши како третопласирана, зад Франција и Литванија и си обезбеди пласман на СП што ќе се игра во Јапонија, Филипини и Индонезија.
Најдобар во редовите на Црна Гора беше Кендрик Пери со 14 постигнати поени.