Манчестер јунајтед заедно со Баерн Минхен беа најголемите фаворити да завршат на првите две позициии во групата „А“ од Лигата на шампионите. Сепак, разврската е Баерн Минхен и Копенхаген во осминафинале, Галатасарај во Лигата на Европа, а Манчестер јунајтед ги завршува настапите во фудбалска Европа.
Црвените ѓаволи групната фаза ја завршуваат само со една победа, и тоа над Копехаген со 1-0, едно реми против Галатасарај, 3-3, и дури четири порази.
Голот што го постигна Коман вечерва, со кој донесе победа за Баерн Минхен на “Олд Трафорд“, беше 15-ти примен за Манчестер јунајтед во групната фаза на Лигата на шампионите, со што станаа екипата со најмногу примени голови од сите премиерлигаши коишто играле во групите.
