Не им се погоди распоредот и расплетот – Унгарците се разочарани, нема да го видат Меси

Унгарците се разочарани бидејќи нема да го видат Лионел Меси утре на „Групама аренаta“ во Будимпешта. Главната ѕвезда на Барселона доби поштеда од тренерот Роналд Куман и нема да настапи против Ференцварош во меч од петтото коло во фазата по групи во Лигата на шампионите.

Барселона веќе има обезбедено пласман во нокаут-фазата, иако до крајот има уште две кола во фазата по групи, па покрај Меси, одмор добија и Кутињо и Тер Штеген.

Ференцварош има амбиции да изненади и да се обиде да го освои третото место што носи настап во Лигата на Европа, а на рака на Унгарците им оди и ситуацијата со повредените играчи на Барселона.

Утревечер за гостите нема да играат и Пике, Фати, Роберто, Умтити и Буксетс, што со отсуството на Меси, Тер Штеген и Кутињо е голем хендикеп за Барселона, што ќе се обиде да го искористи Ференцварош.

Барселона на две кола до крајот на натпреварите во групата Г е прва со 12 бода, пред Јувентус со 9 и Ференцварош и Динамо Киев со по еден бод.

 

- Оглас -

Најнови вести