Борна Чориќ во последен момент се откажа од настапот на Вимблдон и Хрватска остана без најдоброрангираниот тенисер на третиот гренд-слем во сезоната.
Чориќ кој е 14. на АТП листата има проблеми со грбот, а состојбата му се влоши на турнирот во Хале, Германија.
Сега главен адут на Хрватите на неофицијалното светско првенство во тенис ќе биде Марин Чилиќ (18. на АТП), кој е 13. носител и во првото коло ќе игра со Адријан Манарино.
Хрватите го имаат и ветеранот Иво Карловиќ на турнирот на „Ол Ингланд“ клубот, а подобри резултати има Чилиќ.
На Вимблдон Марин играше финале пред две години, но загуби од Роџер Федерер со 0:3 во мечот за титулата.
