Новак Ѓоковиќ со 3-0 во сетови го победи Словакот Алекс Молчан и се пласираше во третото коло на „Ролан Гарос“, каде за противник ќе го има Словенецот Бедене.
Дуелот на Србинот и Словакот кој е 38-ми на АТП листата, беше посебно интересен затоа што тренер на Молчан е долгогодишниот тренер на Новак, Марјан Вајда. Ова е првпат Вајда да биде во противничкиот бокс на трибините, а не во тој на Ѓоковиќ.
Молчан најголем отпор даде во третиот сет, во кој се играше тај-брејк, но првиот светски рекет не дозволи да се игра и четврти сет.
Драма имаше треторангираниот Александер Зверев, кој губеше со 0-2 во сетови, но направи пресврт и триумфираше со 3-2 против Баез од Аргентина, па го продолжува својот пат во Париз и во третото коло му следува дуел со Накашима од Јапонија.
