Вирџил Ван Дајк ќе израдува четворица фанови на холандскиот прволигаш Гронинген, со тоа што ќе им подари сезонски билети за сезоната 2020/21. Билетите ќе бидат доделени на фанови кои не се финансиски способни сами да си обезбедат, а воедно ѕвездата на Ливерпул на овој начин сака да го поддржи клубот каде што ја започна професионалната кариера.
Холандскиот стопер токму во овој клуб го оствари своето фудбалско деби на 20-годишна возраст во 2011 година. Во Гронинген се задржа две сезони со запишани 65 настапи во кои беше седумкратен стрелец, пред да го оствари трансферот во Селтик во 2013 година.
Инаку, сезоната во холандската Ередивизие се откажа без прогласен шампион, фудбал во оваа земја ќе се игра дури во септември кога ќе почне и новата сезона.
Ik heb vier seizoenskaarten voor het komend seizoen gekocht. Hiermee help ik @fcgroningen in deze moeilijke tijd. De seizoenskaarten worden uiteindelijk verloot onder FC fans die er zelf geen kunnen aanschaffen! #laatonsweereensjuichen pic.twitter.com/MOPtsz34Pz
— Virgil van Dijk (@VirgilvDijk) May 16, 2020
