Луис ван Хал, старо-новиот селектор на Холандија, не дозволи да биде критикуван од страна на еден новинар за време на прес-конференцијата во пресрет на квалификацискиот меч против Турција.
Новинарот тврдеше дека формацијата 5-3-2 претставува дефанзивна игра во фудбалот, за што Ван Хал не се согласи и притоа му посочи на новинарот дека нема поим од фудбал.
„Дефанзивен фудбал е 5-3-2? Па, ти немаш поим од фудбал. Ти како новинар се обиде да ја споделиш својата визија, а ја немаш. Со формацијата 5-3-2 може да се игра напаѓачки. Томас Тухел многу добро го покажа тоа со Челзи, за што му симнувам капа“, порача Ван Хал.
Екстренерот на Ајакс, Баерн Минхен, Барселона и Манчестер јунајтед досега во два меча со Лалињата ја употребуваше формацијата 4-3-3, со која издвои реми од 1-1 против Норвешка и убедлив триумф од 4-0 над Црна Гора во квалификациите за СП. Останува да се види дали утре против Турција ќе се потпре на формацијата која ја бранеше на прес-конференцијата.
Volgens Louis van Gaal hoeft een 5-3-2 formatie helemaal niet verdedigend te zijn.
"Je hebt er helemaal geen verstand van" pic.twitter.com/m4Qo1545Tp
— ESPN NL (@ESPNnl) September 6, 2021