Вардар фати победнички ритам и е единатвената непоразена екипа по четири кола во Првата македонска ракометна лига, по победата против вечниот ривал Пелистер со 29:25.
Во Скопје се играше неизвесен меч, што секогаш е дерби, а Вардар беше поуспешен и славеше со четири гола разлика. ж
Таква беше разликата и по првиот дел и вардарци заминаа на пауза со предност од 15:11.
Во финишот на мечот стана драматично, Пелистер стаса до негатива од само еден гол, 26:25, но Талевски со голови му донесе победа на Вардар од 29:25.
Тимур Дибиров беше најефикасен на дербито со 10 гола, Талески даде пет, а кај гостите најпрецизен беше Стипе Мандалиниќ со пет погодоци.
Вардар сега е осамен на врвот на табелата со максимални четири победи, а Пелистер го доживеа првиот пораз во првенството.