Вардар веќе нема избор и мора да го победи Работнички денеска во скопското, но и дерби на 31. коло во македонската Прва лига од 13 часот.
Најтрофејниот наш клуб е во незавидна позиција на претпоследното место на три кола до крајот на првенството и има императив да ги освои бодовите, ако сака да ја продолжи битката за спас.
Работнички е во комотна позиција на петтото место и може да игра порелаксирано за разлика од големиот градски ривал.
И второто дерби од 31. коло денеска од 13 часот е скопско, а меѓусебе ќе играат Шкупи и Македонија Ѓорче Петров. Две екипи што се веднаш зад шампионот Шкендија и имаат големи шанси за настап во Европа.
Шкупи со 56 бода е во подобра ситуација од Лавовите од Ѓорче Петров и му требаат само уште два бода за да си осигура настап во еврокуповите.
Македонија Ѓ.П. има 51 бод, три повеќе од главниот конкурент Струга Трим Лум и мораат да останат непоразени во дербито за да го сочуваат третото место и по 31. коло.
Двојки, 31. коло, 13 часот:
Вардар – Работнички
Шкупи – Македонија Ѓ.П.
Пелистер – Академија Пандев
Шкендија – Струга Трим Лум
Силекс – Борец
Ренова – Беласица
